Бүген, 19 мартта, Татарстанда температурасы күтәрелүен дәвам итәчәк, шул ук вакытта термометрларның көндезге һәм төнге күрсәткечләре арасындагы аерма 22 градуска кадәр тәшкил итәчәк. Бу хакта ТР Гидрометеорология үзәге хәбәр итә.
Республика өстендәге күктә алмашынучан болытлы һава сакланачак. Төбәк территориясендә явым-төшем көтелми.
Үзгәрүчән юнәлештәге җилнең көче секундына 2 метрдан 7 метрга кадәр булыр дип фаразлана.Төнге һәм иртәнге сәгатьләрдә юлларда урыны белән көчле бозлавык хасил була.
Метеорологлар мәгълүматларына караганда, Татарстанда якындагы көннәрдә аномаль җылы һава торышы сакланачак, яңа температура рекордлары көтелә. Шуңа да карамастан, ТР Гидрометеорология үзәге башлыгы Феликс Гоголь республикага салкыннар кайтырга мөмкин, дип кисәтте.
Чыганак: Татар-информ
