| Астана қаласының әкімдігі Наурыз мейрамына арналған шараларды жариялады. |
Бұл туралы Caravan.kz медиа порталы Sputnik.kz-ке сілтеме жасап хабарлайды.
Қала тұрғындары мен қонақтары сан алуан концерттерге, мерекелік бағдарламаларға, көрмелерге, қойылымдарға, ұлттық спорт түрлері бойынша жарыстарға, жалпы 200-ге жуық мерекелік шараға қатыса алады.
14 наурыз — Көрісу күні
Е.Рахмадиев атындағы Мемлекеттік академиялық филармониясында "Сол бір кез" ретро концерті;
"Жастар" сарайында "Наурыз Jaz Zhiger" Жігер ансамблінің концерттік бағдарламасы;
Астана Опера театрының К.Байсейітова атындағы камералық залында "Тал бесіктен – жер бесікке" концерті;
Сондай-ақ музыкалық жас көрермен театрында, "Жастар" театрында, М.Горький атындағы Мемлекеттік академиялық орыс драма театрында қойылымдар өткізіледі.
15 наурыз — Қайырымдылық күні
Алматы ауданында коммуналдық қызметкерлерге ыстық шай мен бауырсақ, мерекелік сусын – Наурыз көже таратылады;
"Жанашыр" қарттар үйінде, 2 көпшілік кітапханада, Қуыршақ театрында, "Жастар" театрында Нұра ауданында түрлі іс-шаралар өтеді;
Е.Рахмадиев атындағы мемлекеттік академиялық филармонияда "Наурыз айы туғанда" концерті (кешкі сағат 19:00-де);
180-ге жуық мұқтаж адамға азық-түлік і тапсырылады;
"Астана жастары" жастар ресурстық орталығы волонтёрлері тұрғындарға бауырсақ пен шоколад таратады;
16 наурыз — Мәдениет және ұлттық салт-дәстүр күні
музыкалық мектептерде, Әл-Фараби атындағы Оқушылар сарайында, ҚР Ұлттық академиялық кітапханада ұлттық танымдық іс-шаралар өтеді;
Қуыршақ театрында "Ер Төстік" қойылымы (12:00-де және 16:30-да);
Е.Рахмадиев атындағы Мемлекеттік академиялық филармонияда сағат "Жетісу әуендері" концерті (сағат 17:00-де);
· Ә.Мәмбетов атындағы мемлекеттік драма және комедия театрында Оралхан Бөкейдің "Ауыл хикаялары" драмасы;
Бұдан бөлек, қаланың халық көп жиналатын орындарында Наурыз мейрамына арналған түрлі мерекелік іс-шаралар мен флешмобтар өтеді.
17 наурыз — Шаңырақ күні
"Бәйтерек" монументі алдында ұлттық киім киген жастардың некелерін қию салтанаты (сағат 17:00-де);
Музыкалық жас көрермен театрында "Ғашық-Жүрек" поэтикалық-музыкалық қойылымы және отбасы құндылықтарын дәріптеу мақсатында театр қабырғасында отау құрған 14 жұппен кездесу (сағат 19:00-де);
"Жастар" театрында Б.Соқпақбаевтың "Көзіме бір көрінсең, бала ғашық... " қойылымы (сағат 19:00-де);
Ә.Мәмбетов атындағы мемлекеттік драма және комедия театрында Оралхан Бөкейдің "Ауыл хикаялары-2" драмасы;
Ал перинаталдық орталық пен ауруханаларда жаңа туған сәбилердің ата-аналарын құттықтау іс-шаралары өтеді.
18 наурыз — Ұлттық киім күні
"Sana" қосымша білім беру орталығында ұлттық киімдердің көрмесі;
"Атамекен" Қазақстан картасы Мемлекеттік бас туының алдында Мәдениет қайраткерлерінің, танымал өнер жұлдыздарының, театр әртістерінің қатысуымен "Ұлттық киім күні" тақырыбына арналған челленджі;
19 наурыз – Жаңару күні
Бейбітшілік пен келісім сарайында ұлттық құндылықтарды дамытуға және танымал етуге елеулі үлес қосқан еңбек сіңірген мәдениет қайраткерлерін марапаттауға арналған "Наурыз Ұлттық сыйлығы" өтеді (19:00-де);
Ә.Мәмбетов атындағы мемлекеттік драма және комедия театрында Қанат Жүністің "Алаш жолы" драмасы;
20 наурыз – Ұлттық спорт күні
Е. Рахмадиев атындағы Мемлекеттік академиялық филармонияда Мәдениет басқармасына қарасты мекемелер қызметкерлерінің арасында тоғыз құмалақтан турнир;
Арғымақ кешенінде Ұлттық спорт түрлерінен (аударыспақ, тенге ілу, қыз қуу, көкпар, жамбы ату, асық ату, тоғызқұмалақ) жарыс ұйымдастырылады (сағат 10:00-15:00 аралығында);
21 наурыз – Ынтымақ күні
Қалалық алаңда, ЭКСПО аумағында, "Қазақ елі" монументінің алаңында, "Бәйтерек" монументі алаңында, Орталық парк және қаланың шеткі аумақтарында Наурыз – береке бастауы іс-шаралары;
Халықаралық көрме орталығында көшпелі өркениет фестивалі;
Ататүрік саябағында "Қош келдің, Әз-Наурыз" театрландырылған қойылым;
қаланың орталық алаңында "Рухты тіл, қазыналы дәстүр" бесік жыры байқауы;
Сондай-ақ Қуыршақ театрында, Музыкалық жас көрермен театрында, Жастар сарайында түрлі қойылымдар қойылады.
22 наурыз – Жыл басы
Бұл күні "Наурыз – береке бастауы" іс-шаралары, ал Халықаралық көрме орталығындағы көшпелі өркениеттер фестивалі өтеді.
Сонымен қатар, Жазушылар аллеясы, Есіл өзенінің бойындағы саябақ, "Көктал" саябағы, "Қорғалжын" саябағы секілді өзге де орындарда Наурыз мерекесіне арналған түрлі іс-шаралар өтеді.
23 наурыз – Тазару күні
Әзірбайжан Мәмбетов атындағы мемлекеттік драма және комедия театрында А.Елгезектің "Болмаған балалық шақ" драмасы;
Байқоңыр және Сарыарқа аудандыраныда қала тұрғындарының қатысуымен тазалық акциясы өткізіледі;
"Жер Сағаты" халықаралық экологиялық акциясы (сағат 20:30-дан 21.30-ға дейін). Акцияның мақсаты – планетаның табиғаты мен ресурстарына жауапкершілікпен қарау қажеттілігіне назар аудару;
"Тазалық эстафетасы" аясында "Тазару" жалпы қалалық экологиялық акциясы. Соның аясында аулаларды қар мен қоқыстан тазарту жоспарланып отыр;
Сондай-ақ Нұра ауданының бастамасымен елордада "Армандар шаңырағы" әлеуметтік акциясы басталды. Оның аясында елордалық меценаттар мен кәсіпкерлер Нұра ауданының 70 баласының арманын орындайды. Олар балаларға 21 наурызға дейін сыйлықтар табыстайды.
