Россиядә йорт хайваннарына аллергиядән беренче вакциналарны булдыру өстендә эш бара. Бу хакта белгечләр хәбәр итә.
Мәгълүм булганча, И.М. Сеченов исемендәге Беренче Мәскәү дәүләт медицина университеты галимнәре мәче һәм этләргә аллергиядән саклау өчен препаратлар эшли. Табиб-иммунолог сүзләренчә, мәчеләргә аллергиядән вакцина инде клиник тикшеренүләр башлану алдында тора, ә этләргә аллергиядән вакцина актив рәвештә эшләнелә.
Моннан тыш, университет белгечләре «РФ Аллергочибы» дип аталган тест-система да булдырган. Ул кешенең 120дән артык төрле аллергенга сизгерлеген ачыкларга мөмкинлек бирә.
Белгечләр фикеренчә, әлеге эшләнмәләр йорт хайваннарына аллергиядән интегүче кешеләр өчен тормыш сыйфатын яхшыртырга ярдәм итәчәк.
